a páxina vai collendo forma...

A nosa páxina por fin vai collendo forma... non a que nos esperábamos pero forma...

O tempo corre e vémonos algo apresuradas pero aínda así queremos que nos quede xeitosiña..., vistosa, decente!!

Estamos traballando moito... O horario de 12 a 15 mata pero...

Pois iso, que sorte a todos cos vosos proxectos web e...

As xoubas tolas deséxanvos un bo nadal! e próspero ano 2008!!! e que o efecto 2008 non fasticidie as nosas páxinas... ou o virus do USB de Belén...


bikiños!!

Saul Bass (despois de moito falar...)

Este mércores na clase, despois de hora e cuarto de discusión e debate continuo (a profesora acabou bastante estresada, por non dicir desesperada con nós) tivemos a oportunidade de visionar os créditos do film: anatomía dun asasinato, de Otto Preminger, feitos por Saul Bass, todo un xenio. A nós pareceunos algo marabilloso, pero para que vos mesmos poidades ter a vosa opinión aquí vos deixamos o vídeo:

O PATO LUCAS E A WARNER BROS.

Duck Amuck é unha curtametraxe animada de 1953 producido por Warner Bros. como parte da serie Merrie Melodies e é protagonizado polo Pato Lucas, quen é atormentado por un anónimo animador que cambia constantemente os fondos, roupa, voz, aparencia e ata forma do pato. O animador cambia todo a medida que Lucas trata de pór orde, e ata mal interpreta as súas demandas.

Segundo o director Chuck Jones, este curto demostraba que a animación podía crear personaxes cunha personalidade reconocible, independente da súa aparencia ou voz. Ao final da curtametraxe revélase que o animador é Bugs Bunny, segundo Jones o final só ten un obxectivo cómico.


Duck Amuck está incluído na compilación The Bugs Bunny-Road Runner Movie, xunto a outras curtametraxes favoritas de Jones como What's Opera, Doc? Mel Blanc fai as voces. Foi dirixido por Chuck Jones con guión de Michael Maltese. A curtametraxe presenta varias bromas que van dirixidas directamente ao público. En 1999 o curto foi recoñecido pola Biblioteca do Congreso de Estados Unidos para ser preservado no rexistro nacional de películas. Este foi o segundo de tres curtametraxes de Jones en recibir esta honra (os outros son What's Opera, Doc? de 1957 e One Froggy Evening de 1955). Jones é o único director con ter tres curtametraxes animadas no rexistro. A trama foi utilizada noutras curtametraxes animadas, Rabbit Rampage (1955), onde Bugs Bunny convértese na vítima do animador (Elmer Gruñón). Unha trama similar foi tulizada nun episodio de Baby Looney Tunes, só Bugs foi a vítima, Lucas era o animador, e utilizaba unha computadora no canto dun lapis.


No libro The Fifty Greatest Cartoons de Jerry Beck, Duck Amuck é categorizado como o segundo mellor debuxo animado da historia.

Velaquí un vídeo que non podedes deixar de ver, directamente para vós aquí, sen ningún enlace a outra páxina.

A CLAVE RESERVA DE SCORSESE

O outro día comentamos na clase a curtametraxe sobre Scorsese e Hitchcock que aparecera nos anuncios de Freixenet este ano.

Se o ano pasado era a Lotería de Nadal quen substituía ao famoso calvo (aínda o botamos de menos), este ano tócalle a Freixenet, popular firma de cavas cataláns, dar un xiro de 180 graos na súa campaña de mercadotecnia.

O tradicional e anticuado anuncio das burbullas, que se había estancado creativamente falando, deu paso á concepción dun curto cinematográfico como reclamo publicitario para as próximas datas do Nadal. Para iso encargar, a nin máis nin menos que Martin Scorsese a realización deste curto. Froito dese traballo saíu 'A Clave Reserva' ('The Key to Reserva' en inglés), unha grandiosa homenaxe á cinematografía de Alfred Hitchcock. Interveñen no curto, ademais do propio Martin Scorsese, Simon Baker e Kelli Ou'Hara como intérpretes principais

Freixenet decidiu iniciar unha nova estratexia publicitaria deixando atrás os personaxes famosos que durante anos protagonizaron os seus anuncios de Nadal, e optouse agora polos directores de cine de prestixio, que realizarán un anuncio de libre creación.

Unha gran obra non sabemos se de cine, de televisión, de internet , de documental, de ficción, de publicidade... pero oque si sabemos é que non debedes perder a oportunidade de velo.

Aquí volo deixamos. Un saúdo

TRON: A PRIMEIRA PELÍCULA FEITA POR ORDENADOR

Este filme, fora da importancia que ten para o mundo da animación por ordenador, pareceunos unha película bastante pobre en canto ao guión, unha película prescindible e banal. Aínda que está destinada ao mundo infantil, coñecemos outras películas que tanto diverterían a un neno como ao adulto que adoita acompañalo ao cine. Nesta época, supoñemos que os pais que acompañaron aos seus fillos a vela aborreceríana e quedarían durmidos aos cinco minutos de empezar, se non se cabrearían demasiado e colleron os fillos e marcharon a facer cousas máis interesantes.

Porén, facemos unha pequena recopilación de información que acadamos sobre este filme, máis centrado no interese que ten para o cine de animación.

Tron, de Walt Disney (1982) é unha película de ficción. A repartición compono: Jeff Bridges como Kevin Flynn (e Clu) (Raúl Aldana no versión dobrada ao Español), Bruce Boxleitner como Alan Bradley (e Tron) (Enrique Mederos no versión dobrada ao Español) e Cindy Morgan como Lora (e Yori) (Patricia Acevedo no versión dobrada ao Español). David Warner en protagonismo do vilán, Dillinger (e Sark, como a voz do 'Programa de Control Mestre') (Germán Carballos no versión dobrada ao Español). Dirixida por Steven Lisberger. Tron é singular por ser unha das primeiras películas en utilizar gráficos xerados por computador, ademais de ter o seu propio estilo visual. Este filme componse por case trinta e dous minutos de animación xerada por computador en combinación cos personaxes da película, un fito na animación dixital. Moitos dos efectos que parecen ser feitos por computadora foron creados usando efectos ópticos tradicionais. Unha técnica coñecida como "animación con luz de fondo", as escenas en vivo dentro do mundo da computadora foron filmadas en branco e negro, impresas en películas de formato grande e alto contraste, despois coloreadas con técnicas tradicionais de fotografía e técnicas rotoscópicas as cales danlle un aspecto "tecnolóxico". O proceso foi inmensamente laborioso, e non foi repetido por ningunha outra película; con tantas capas de alto contraste e negativos de formato grande, necesitáronse grandes cantidades de filme cinematográfico, e unha carga máis grande que calquera película convencional. En canto á crítica inicialmente non tivo éxito, mantívose un culto cara a ela polo uso dos seus gráficos xerados por computador, sendo o preludio dun novo subgénero na ciencia ficción . A película inspirou a moitos videoxogos. O propio de Tron gañou máis que o primeiro lanzamento da película. O seu argumento é un xogo en entre o pasado e o presente. O protagonista Flynn era un programador novo e presumido que traballaba nunha mega-corporación que foi enganado respecto das ganancias e autoría dos xogos que creou, por Dillinger quen vendeu os videoxogos de Flynn e pasaron á súa propiedade. Ante a incapacidade de probar que el é o autor, e renunciando da compañía, Flynn vese obrigado a traballar en arcadias. Moitos dos xogos que el creou atópanse no seu arcadia. Logo de obter algo de información dalgúns dos actuais empregados (Boxleitner and Morgan), Dillinger incrementa a seguridade no 'Programa de Control Mestre. En efecto, isto deixa aos programadores fóra da compañía. Logo diso van a Flynn en busca de axuda para burlar a seguridade do PCM. Alan e Lora buscan obter maiores liberdades na súa programación. Flynn busca evidencia das súas creacións roubadas. Logo dunha ardua travesía para entrar ao edificio, Flynn enfróntase ao PCM e é absorbido ("dixitalizado") dentro dun mundo dixital tiránicamente dominado polo PCM. No "mundo real", a interfaz do PCM recorda aos escritorios de alta tecnoloxía. Desde dentro do sistema de cómputo, o PCM ten a forma dunha cara cuadriculada, que irradia luz vermella con enerxía.



Un saúdo

http://www.hipertext.net/web/pag206.htm

Unha páxina sobre o deseño web interesante que atopamos. Explícanos como debemos facer a nosa páxina web, que directrices debemos seguir e os motivos destas decisións, dun xeito entendible para todos. Fálanos da arquitectura da información, o deseño centrado no usuario, que é para quen vai dirixida a nosa web, a planificación, o propio deseño, a mantemento, os comentarios dos usuarios, os contidos e o seu deseño. Recomendamos a súa visita. Ademáis a emregaremos para a construcción da nosa propia web, porque nos parece interesante seguir moitas dos consellos que se nos dan.

Un saúdo

As páxinas e máis nós...

Estivemos a navegar por unhas páxinas relacionadas coa animación flash... unhas mellores outras peores...

Quedámonos coa de Alan Becker e o seu simpatico "the chosen one", que nos impresionou coa súa rabieta por todo o sistema operativo: pois pelexouse coa papeleira de reciclaxe, cos documentos...

A de Clarín, cumple todos obxectivos propios dunha boa web pero non nos chamou moito a atención... pois carecía de orixinalidade e tiña moitos titulares polo que non sobresaía ningún.

Outra era a de Rosa Muñoz, unha galería cunhas fotos moi bonitas, coloridas e orixinais.

De seguida nós faremos cousas similares...

Bós e malos deseños

Atopamos unha serie de páxinas que nos resultanboas en canto ao deseño. Unha delas é www.persussions.org. Esta fai un uso correcto das imaxes, dos textos, é identificacle facilmente, ten unha barra de navegación boa. Aínda que a verdade non é o que estamos buscando para a nosa web.

Un exemplo de web mal deseñada pode ser www.restaurantes.com cun mal:
Diseño HTML
Uso de Imáxernes
Tipografía
Prototipo de sitio no que a concepción correu a cargo do deseñador gráfico. Non hai unha evaluación técnica

Outro exemplo pode ser:http://cocina.cuba.cu/, que ten un mal:

Rendemento do servidor.
¡Nada menos que 314 imáxenes, todas xuntas na Home Page!
A carga da Home Page é un proceso que che da tempo para chamar por teléfono.
Utilizan 90 pequenas imáxenes para a barra gráfica superior: unha única imáxen debidamente optimizada aportaría una carga de páxina moito máis rápida. E isto é aplicable a cada montaxe gráfico de las áreas de recetas.

SEGUIREMOS INVESTIGANDO

UN SAÚDO

Como financiar un proxecto web?

Formas de financiamento para un proxecto web:

Os mellores métodos xa sexa para unha web dunha empresa, unha web persoal, son:

* Crédito persoal: é a primeira opción, normalmente será a que menor cantidade de diñeiro póidanos dar, oscilan entre os 3.000 e os 30.000 euros, os tipos de interese entre o 7 e o 10% nun banco normal, e nos bancos de crédito tipo Cofidis, poida que haxa intereses ata do 15% e non adoitan exceder os 8 anos.
* Liña ICO: son préstamos que realiza o Instituto de Crédito Oficial a través de intermediarios como poden ser os bancos e caixas que coñecemos e noutras ocasións dánolo directamente. O ICO ten moitas liñas de actuación polo que o noso proxecto situarase normalmente entre unha (a xeneral) ou dous (vía tecnolóxica ou de PEMES) , polo que temos a opción de elixir a vía idónea en tal caso. Estas liñas de actuación son dotadas presupuestaríamente cada ano por iso debemos hai que estar pendente de cando son operativas para que non nos ocorra ter que acudir ao próximo exercicio. Os créditos ICO varían entre o 0% de interese ata o Euribor varios puntos se é de tipo variable ou unha taxa estimada segundo o organismo para financiamento de tipo fixo. Usualmente son destinados a microempresas ou PEMES e requiren dun aval.
* SGR (Sociedade de Garantía Recíproca): son un servizo para empresas cuxo obxecto é a mellora e a facilitación da procura de financiamento a PEMES, para facernos unha idea consiste en que un individuo (chámese entidade) empeza a formar parte da nosa sociedade para que poida conseguirnos un aval.
* Investimento Privado: todo o mundo coñécea e pode estar moi ben ou poida que sexa bastante complicada. Vannos a esixir moito debe de ser a nosa última opción xa que son os do interese máis alto, é verdade que se relacionarán connosco coma se fosen un máis no proxecto pero por suposto sempre quererán gañar máis diñeiro. Pedirannos contorna a un mínimo do 10% de rendibilidade para que un proxecto sexa viable, gústalles investir cantidades altas como pode ser o millón de euros sendo máis fácil de conseguir que por exemplo 400.000 euros. Actualmente en España o tope é de 3-4 millóns de euros.

Hai outras formas, igual de serias, menos coñecidas pero gratuítas. Exemplo disto son os dominios .tk (Tokelau componse de tres grupos de illotes orixe coralino no Océano Pacífico Sur, aproximadamente á metade da distancia entre Hawaii e Nova Zelandia, no cinto de tifones do Pacífico. Ningunha das illas de Tokelau ten porto e teñen unha superficie total de 10 km². Ten unha poboación duns 1.500 habitantes e está a dous días en bote do lugar poboado máis próximo).

stas son as condicións para rexistrar un dominio .tk gratis:

1. Un máximo de tres dominios por persoa
2. Se hai máis dunha petición, obterá o dominio o primeiro que conteste ao mail de confirmación.
3. Ese dominio está rexistrado a nome de Dot TK.
4. Dot TK monitoriza o seu tráfico. Esíxese un tráfico mínimo de polo menos 25 visitas únicas durante 90 días para mantelo.
5. Ponche un frame na parte superior da pagina con publicidade e un pop-up cada vez que se accede á páxina. Pódese ver un exemplo en zonahackers.tk ou sexo.tk. Segundo Joost, o frame de publicidade non desaparece a menos que teñas 1.000 clicks en 90 días.O acceso a unha web nun dominio .tk é bastante lento, segundo ha ppodido comprobar Domisfera.

Se queres comprar o dominio, o prezo de rexistro dos dominios denominados normais é de 6.95$ ao ano. Logo hai dominios especiais cuxa taxa de rexistro vai dos 25$ aos 2500$ ao ano. Por exemplo, os dominios de menos de 4 letras teñen un prezo non inferior aos 1000$. As marcas rexistradas das 500 empresas máis grandes do mundo tamén son considerados especiais. Dot TK terá probablemente unha lista de palabras premium ou comúns cun prezo asociado a cada unha.

Informe da nosa web!!! yujuuuuuuuuuuuuu

A priori a nosa idea pode parecer un pouco aloucada, pero todo ten un por que.

Dende sempre ás xoubas tolas chamounos a atención o tema da bruxería, da maxia, do misterio, do máis alá... Por isto decidimos traballar sobre o tema nun proxecto web: desvelar os misterios de antano coas tecnoloxías do presente, para que non queden no esquecemento.

Vai dirixido a todos os públicos: a nenos, a adultos e máis maiores, a xente curiosa, a xente con inquedanzas... pero concretamente á xente que ama este mundo tanto coma nós, que busca o misterio e que sempre necesista saber as respostas.

En canto aos contidos que imos incluír..., trataremos sobre todo conxuros (de amor, vinganza, desamor, mal de ollo...), as lendas máxicas galegas e universais, aportaremos as recetas con todos os ingredientes para facer pócemas máxicas, falaremos das meigas máis famosas de todos os tempos, trataremos os enigmas dos soños baseándonos na psicanálise de Freud e mesmo crearemos un foro-consultorio para atender todas as vosas peticións.

O sentido de todo o noso proxecto é aportar información sobre un tema pouco estudado, xa que hai poucas páxinas en galego e para galegos que traten este tema... Axudar á xente a conseguir o seus obxectivos a través da maxia, axudar a volver a crer na maxia e nos soños.

Porque ter soños e ilusións é o máis importante nesta vida...

Soña e serás libre de espírito...

SEGUIMOS AVAZANDO...

Como se nos encargou nunha das clases teóricas, estivemos buscando webs relacionadas coa creación das nosas propias páxinas web. Atopamos unha bastante interesante, na que se nos explica paso a paso como se crea unha páxina web. Vai dirixida especialmente a aquelas persoas que teñen tempo e gañas de facer unha web, pero escasos coñecementos de Internet, informática...

O autor da unha serie de directrices moi sinxelas de seguir para crear todo o necesario para crear a nosa web, tamén explica como engadir un foro, estatísticas, música de fondo, un contador de visitas...

Esta páxina é: http://www.comocreartuweb.com/

Seguiremos investigando e informando sobre diversas páxinas que nos poidan axudar na andaina na que nos imos adentrar.

Un saúdo

curiosidades...

Como prometéramos na nosa anterior entrada velaquí un vídeo moi picante...

Mentres tanto seguimos pensando na estructura e seccións para a nosa máxica web.

Para suxerencias, observacións, críticas... estaremos encantadas de ler os vosos comentarios.

Sabedes o que é?

Deica outra!

Meigallos, Conxuros e outras Pócemas en conserva

Decidimonos por esta idea, logo de moito rompernos a cachola e despois de estudar os pros e contras desta fabulosa e temerosa idea.

Pensamos nun primeiro lugar en idealizar unha casiña de meigas, como parte principal do menú.

Se nos adentramos nela atoparíamos unha imaxe dunha vella meiga preparando unha pocema. Ela será quen nos dará todos os consellos e información sobre este oculto mundo. Contaranos historias escalofriantes, ensinaranos conxuros, prepararanos pócemas (de amor e de maldade), ensinarache os mellores trucos para facer esa festa universitaria inesquicible chea de misterio e terror...

Se buscas conseguir ao teu amoriño, ese que sempre te mira e nunca se decide a falarte, ese que sorrí cando te atopas con él na facultade... Se por outro lado desexas desfacerte dalgún pesado... Se queres chinchar a alguén que non deixa de amolarche... Decídete xa! Adéntrate neste oculto mundo e consigue todo o que te propoñas!

Para ir abrindo boca ensinámosvos un interesante vídeo de youtube, que ata que saibamos como se suben ao noso blog, dámosvos a dirección para que o miredes vos. Aí vai:

http://www.youtube.com/watch?v=f5iIqA4U1VM

Rompéndonos a cabesa...!

Na búsqueda de ideas para a nosa andaina no world wide web ocorréronsenos varias posibilidades, todas elas desbotadas pola xefa:

A primeira era unha promoción dun grupo de artistas, os Mela-Pela... un tema moi socorrido. Polo tanto desbotado.

Adentrámonos na nosa segunda idea, gominolalandia, onde docemente contaríamos o apaixoante universo das gominolas e outros doces. O malo é que era difícil de poñer en práctica.

Outra posibilidade era contar as marabillosas festas gastronómicas galegas, pero... cantas páxinas non atoparíamos moi similares?? Non sería moi orixinal.

Tamén pensamos na posibilidade de crear unha web sobre estética, nada máis á orde do día! Xa que neste mundo onde cada vez se lle presta máis atención á imaxe, sen dúbida interesaría a todos... A todos nos gusta estar guapos!

Finalmente centrarémonos no universo das meigas galegas! Un universo pouco explorado pola mocidade e cheo de sorpresas. Contaremos lendas, feitizos, conxuros... algo típico da nosa cultura. Queres saber como engaiolar ao teu namorado? Queres saldar contas coa túa amiga perfecta que todos os días che fai sentir coma un adefesio? Pois visita a nosa web!!!

O comezo da nosa andaina... Habelas hailas!

O comezo da nosa andaina foi moi emocionante a pesar dos escasos coñecementos que posuimos sobre este campo do saber. Decidímonos por blogger porque chegamos tarde e copiamos dos que estaban ó lado. Outro día pasaremos o noso tempo mirando outras bitácoras!! sip??



Escollemos este nome para o noso blog porque representa unha combinación explosiva de sabores ó igual que as nosas personalides.



Sen máis, convidámosvos a compartir este pequeno espazo e a pasar unha tempada nesta a nosa lata conserveira.



Vémonos na nosa seguinte andaina!